Fleiri flyta heim eftir loknan lestur

Fleiri útsetisetar ætla at flyta heim næsta ár.

Tað vísir ein kanning, sum fyritøkan Syntesa hevur gjørt.

Ein, sum ætla sær at koma aftur til Føroya eftir loknan lestur, er Sissal Hofgaard Hestoy, sum var í Norðurlandahúsinum í dag og kannaði møguleikarnar á starvsstevnuni Jobmatch.

Hon heldur, at Føroyar eru vorðnar áhugaverdari og rúmligari at búgva í.

Súsanna Olsen, stjórnmálafrøðingur, sum var gestur í sjónvarpsstovuni, sigur, at støðan er broytt nógv seinastu árini, og Føroyar draga fólk til sín.