MJ-orrustan: Skil listarverkini frá listarmanninum

Fleiri útvarpsstøðir aftra seg við at spæla tónleikin hjá Michael Jackson, eftir ákærurnar í dokumentinum Leaving Neverland um, at popp-stjørnan er pedofil.

Men Kringvarp Føroya ætlar ikki at forbjóða nøkrum:

 - Sum útgangsstøði dámar mær ikki at seta forboð móti artistum, sigur Eyðfinn Jensen, tónleikasamskipari í Kringvarpi Føroya.

Tónleikasamskiparin leggur afturat, at tónleikarin og tónleikurin er - sum útgangsstøði - hvør sítt.

Hvar gongur markið

Júst hetta við at seta forboð móti listarfólki, sum eru undir illgruna at hava gjørt nakað skeivt, er ein vandakós, vísir heimspekingurin Pætur Marjunarson Dahl á.

 - Hvar gongur markið so? Skalt tú hava eina reina revsiváttan, áðrenn títt lag verður spælt í útvarpinum, spyr heimspekingurin.

Heimspekingurin vísir á fleiri stór listarfólk í søguni, hvør tankar og gerðir ikki høvdu hóskað inn í samfelagið í dag. Eitt nú Aristoteles, Wagner og Martin Luther.

Sí sendingina Lyst