Ummæli: Uncut Gems

Adam Sandler er mest elskaður og hataður fyri sínar mongu skemtifilmar og skemti-sendingina Saturday Night Live, men í 2002 tók hann øll á bóli við einum rimmar sjónleikaraavriki í dramafilminum "Punch Drunk Love" eftir Paul Thomas Anderson.

Nú, 17 ár seinni, hevur Adam Sandler so aftur ein álvarsaman leiklut í ørkymlandi dramafilminum “Uncut Gems”. Tað eru beiggjarnir, Josh og Benny Safdie, sum hava leikstjórnað og skrivað handritið til filmin.