Mia Højgaard vann all around-kappingina í fimleiki

Mia Højgaard tryggjaði Føroyum enn eina oyggjaleikagull í fimleiki, tá hon vann all around-kappingina í amboðsfimleiki í Stromness Academy í dag.

Fimleikarin úr Havnar Fimleikafelag hevði kanska ikki sín besta dag, men hóast hon datt av bæði bitanum og barrini, gjørdi hon nóg mikið í øðrum greinum til at vinna samanlagt.

Hon hevði 43.700 stig, og tað hevði Amara Brogan úr Isle og Man eisini, so tær báðar býttu gullið ímillum sín.

Tað var serliga góða avrikið í lopi, sum tryggjaði Miu Højgaard gullheiðursmerki. Marin Danielsen var næstfremsta føroyska kvinnan. Hon endaði á 4. plássi.

Kappingin var samstundis kvalifikatión til einstaklingakappingarnar, sum vera í morgin. Tá kappast Mia Højgaard og Marin Danielsen í Lopi, forskotnari barr og gólvi, meðan Anna Sofía Højsted og Oddvør Alberta Kimsdóttir skulu royna seg á bita.