Hjálpin frá Sernámi er sera vánalig

Sernám hevur síðstu árini broytt síni tilboð, og tað gongur út yvir familjurnar.

– Tey hava gloymt okkara børn, siga mammurnar.

Sernám er stovnur hjá landinum, sum skal veita ráðgeving innan sernámsfrøðilig viðurskifti til dagstovnar, skúlar og foreldur, sum varða av børnum og ungum. 

Seinastu trý árini hevur stovnurin verið gjøgnum broytingar og eina menningarætlan, men mammurnar føla, at børnini hjá teimum eru gloymd í tilgongdini.