Tríggir HB-spælarar á landsliðnum fyri fyrstu ferð

Góða kappingarárið hjá HB sæst aftur í fyrstu landsliðsúttøkuni hjá Håkani Ericson.

Sviin hevur nevniliga tikið seks spælarar frá oddaliðnum út til landsliðið, sum skal spæla ímóti Malta og Andorra fyrst í september. 

Teitur Gestsson, René Shaki Joensen og Adrian Justinussen, sum nú er klárur aftur eftir drúgvan fótskaða, eru allir í hópinum. Harafturat fáa Heðin Hansen, Dan í Soylu og vinstri bakkurin, Daniel Johansen, løn fyri góða kappingarárið, sum teir hava havt higartil.