Nýggjur toppskorari á Viðareiði

Hans Jákup Kallsberg hevur verið borgarstjóri í Viðareiðis kommunu síðan 2009, men nú er møguleiki fyri, at hann missir sessin, tí hann bleiv nummar tvey á atkvøðulistanum á Viðareiði hesaferð.

Ovast á listanum er Marita Sumberg, sum fekk 50 atkvøður. Til valið fyri fýra árum síðan fekk hon 19 atkvøður.

Í valstríðnum hevur hon prátað við fólk og sagt teimum, at hon fegin tekur eitt tak afturat í kommunustýrinum, og hetta hevur eftir øllum at døma givið úrslit.

Atkvøðurnar á Viðareiði fullu soleiðis:

Marita Sumberg - 50 atkvøður

Hans Jákup Kallsberg - 38 atkvøður

Kristan Hansen - 33 atkvøður

Tórhallur Gunnar Georg Staksá - 30 atkvøður

Benjamin Matras Absalonsen - 30 atkvøður