Evropameistari: Sarita triðju ferð á rað

Sarita Kristina Hansen taldist millum favorittarnar á 200 metra teininum undan EM í inniróðri, sum var um vikuskiftið.

COVID-19 hevði við sær, at kappingin, sum vanliga verður rógvin í stórum hallum í vertslandinum, hesa ferð var á netinum.

Onkur av føroysku rógvarunum róði heima við hús, nakrir róðu í Suðuroy og fleiri - harímillum Sarita - róðu í fimleikarhøllini í skúlanum í Kollafirði.

Gjørdi bart

Stinni føroysku innirógvarin, sum eisini er heimsmeistari, livdi upp til vónirnar. Hon kom væl frá byrjan og tók leiðsluna tíðliga.

Síðstu 800 metrarnar kom kortini stígur í.

– Tað var ein dystur bara at koma á mál, men av tí at eg sá, at eg hevði nokkso trygga leiðslu, kom eg á mál við tógvi stríð, sigur Sarita Kristian Hansen.

Stóð seg eisini væl á styttru teinunum

Sunnudagin var kappast á 500 metra teininum. Sarita tók bæði lut í lættvektsbólkinum og í opna bólkinum, og úrslitini vóru góð.

Hon vann lættvektsbólkin, og í opna bólkinum endaði hon á øðrum plássi.