Umráðandi við neyðtøkutilbúgving

Ein tilbúgving verður í næstum sett á stovn til tey, ið hava verið útsett fyri neyðtøku.

Tað hevur alt at siga, at tann órættaði verður møttur við neyðugu umsorganini.

Kaj Leo Holm Johannesen, landsstýrismaður í heilsumálum, segði við útvarpið herfyri, at tilbúgvingin leggur upp til, at móttøkan skal taka ímóti kvinnum og veita teimum ráðgeving, sálarliga hjálp og at tryggja neyðugu prógvini uttan at innblandað løgregluna - ikki uttan so, at viðkomandi vil hava tað.