Vónbrotin Viljormur: vit høvdu møguleikan

Viljormur Davidsen er vónbrotin, eftir tapið fyri Eysturríki á Ernst Happel-leikvøllinum í Wien í kvøld. 

 - Vit kendu, at her var okkurt til okkum í kvøld, sigur vinstri bakkurin. 

Viljormur Davidsen iðrar seg um mátan, sum Eysturríki vendi dystinum síðsta korterið í fyrra hálvleiki.

 - Ja, sjálvandi iðra vit okkum um tað. Teir fáa eitt keðiligt mál, tá vit eru frammanfyri 1-0, og hini koma bæði upp á kontraálop, og tað eru vit skuffaðir av, sigur verjuspælarin.