Olga Kristina bar ælabogalitta liðskiparabandið

26.04.2021 - 21:11
ÍtrótturFótbóltur
Olga Kristina bar ælabogalitta liðskiparabandið
B36 kvinnurnar bakkaðu ikki fyri boðunum frá FSF um, at ælabogalitta liðskiparaarmbandið var brot á fótbóltslógina.

Tak niður

Liðskiparin hjá Betrideildarliðnum hjá B36, Olga Kristina Hansen, bar ælabogalitta liðskiparabandið í dysti móti AB/B71 sunnudagin, hóast boð vóru komin frá Fótbóltssambandið Føroya um, at hetta var brot á fótbóltslógina.

 - Vit valdu at bera bandið, áðrenn kappingin byrjaði, heilt einfalt fyri at vísa á, at vit virða øll menniskju, sigur Olga Kristina Hansen.

 - Hjá okkum snýr tað seg heldur ikki bara um LGBT.

Royndi miðvallarin heldur ikki, at málið er rætt handfarið av Fótbóltssambandinum.

 - Eg skilji tað ikki heilt. Vit høvdu heldur ikki ímyndað okkum, at hetta var ein trupulleiki, tá UEFA og onnur fótbóltssambond mæla til sovorði, sigur Olga Kristina Hansen

Mikudagin í síðstu viku sendi FSF skriv til føroysku fótbóltsfeløgini, har gjørt varð vart við, at ítróttarútgerð í samband við dyst 'skal ikki hava politisk, átrúnaðarlig ella politisk herróp, boð ella myndir'.

Hetta varð gjørt eftir at dómarabólkurin hjá FSF hevði fingið ein fyrispurning, sum snúði seg um, hvørt tað var í lagi, at ein dómari brúkti ælabogalitt skøvningsbond.

Mánakvøldið var fundur millum FSF og føroysku fótbóltsfeløgini, og har var avgjørt at viðgera málið meir.

 
Er kopiera
Nýggjastu sendingar í ÚV
Leygardag 15. mai
Jambalaja 150521
124271
Fríggjadag 14. mai
Nón 14.mai 2021
124239
Nýggjastu sendingar í SV
Hósdag 13. mai
Guðstænasta í Vesturkirkjuni
124199
Mánadag 10. mai
3-2
124088
Sunnudag 9. mai
Andakt við Øyvindi Bjerkenes
124018