Síðsti kjansur á Tórsvølli

11.10.2021 - 20:23
ÍtrótturFótbóltur
Síðsti kjansur á Tórsvølli
Teir kenna skotsku hóttanina úr vinstru síðu, men ætla sær eisini at leypa á, tí hetta er síðsti kjansur hjá føroyska liðnum at gera tað óvæntaða á Tórsvølli í hesum sinni

Tvær ferðir hava Føroyar tikið stig frá skotum á heimavølli. 

Javnleikirnir í 1999 og í 2002 vórðu spældir á Svangaskarði, men nú vilja spælararnir á føroyska fótbóltslandsliðnum við monnum, at søgan skal endurtaka seg á Tórsvølli.

Og yskvøldið er síðsti kjansur á heimavølli í hesi undankappingini.

 - Stuðulin hevur verið heilt fantastiskur, og eg haldi, at vit skylda teimum eitt mál í hvussu er, sigur liðskiparin, Hallur Hansson.

 - Vit vita, at tað verður torført, teir eru undir trýsti og skulu vinna, men hetta er okkara síðsti heimadystur á Tórsvølli í hesari kappingini, so tað verður við fullari skrúvu í morgin, sigur Gilli Rólantsson.

Í mars taptu Føroyar 4-0 á Hampden Park í einum dysti, har vinstra síðan hjá Skotlandi við Kieran Tierney og Andy Robertson var ein støðug hóttan. Sum høgri bakkur í tí dystinum - og helst aftur í morgin - er Gilli Rólantsson greiður yvir uppgávuna.

 - Øll kenna jú Robertson og Tierney, hvussu teir skifta, yvirlapp, innlegg og tempo, so vit mugu vera klárir upp á tað, sum teir koma við, men samstundis skulu vit ikki bara standa og taka ímóti, sigur høgri bakkurin.

 - Vit skulu kanska gerdera okkum meir, og fáa eitt sindur meir fólk yvir í teirra vinstru síðu, tí tað er jú ein av heimsins bestu vinstru bakkum, sum spælir har, sigur Ári Mohr Jónsson, sum fekk kjansin frá byrjan ímóti Eysturríki.

 
Er kopiera

Tak niður

Nýggjastu sendingar í ÚV
Mikudag 20. oktober
Nón 20. oktober 2021
130160
Mikudag 20. oktober
Góðan morgun Føroyar 20.10.2021
130137
Týsdag 19. oktober
Óhoyrt - Rapplegendur og slóðbrótarar
130115
Týsdag 19. oktober
Áðrenn Elvis 19. oktober 2021
130106
Týsdag 19. oktober
Breddin
130080
Nýggjastu sendingar í SV
Týsdag 19. oktober
VIDEO: LFB byggir ein dronubil
130041
Mánadag 18. oktober
3-2
130065