Bústaðir: Bygging sum eingin kennir til

Byggingin snýr seg um, at ein navngivin fyritøka í Klaksvík skal byggja ein búfelagsskap til Bústaðir at keypa, sum Almannaverkið so skal leiga. Boðini uppá hesa byggingina komu frá landsstýriskvinnuni til stýrisformannin í Bústøðum, sum nú vil hava leiðsluna á Bústøðum at geva sær eitt tilmæli um tað. 

Trupulleikin er bara, at hvørki leiðsla, starvsfólk ella aðrir stýrislimir í Bústøðum kenna nakað til hesa verkætlan - og Almannverkið hevur ikki brúk fyri júst hesum tilboðnum.