Jóhan hevur góðar vónir

10.01.2022 - 19:03
ÍtrótturHondbóltur
Jóhan hevur góðar vónir
Danska hondbóltslandsliðið fór í dag til Ungarn, har liðið skal kappast í EM-endaspælinum. Høgri vongurin, Jóhan á Plógv Hansen, ætlar sær í minsta lagi í hálvfinaluna

Føroyski høgri vongurin á danska hondbóltslandsliðnum, Jóhan á Plógv, hevur góðar vónir undan EM-endaspælinum, sum verður í Ungarn og Slovakia komandi tíðina.

Danmark vann HM í Egyptalandi í fjør og í summar fingu danir silvur á Olympisku leikunum í Tokyo, men seinasta evropameistarakappingini endaði við vónbroti, tá tað ikki eydnaðist Danmark at spæla seg víðari úr bólkaspælinum.

Hetta má ikki henda aftur, sigur Jóhan á Plógv.

 - Málið er sjálvandi, at vit koma longri, enn vit komu síðst, og vónandi koma vit til eina hálvfinalu í fyrsta umgangi. Tað hevði ikki verið so galið at fingið okkurt metal heim, sigur Jóhan á Plógv Hansen.

Síðstu árini hevur føroyski vongurin fingið ein alsamt størri leiklut á danska landsliðnum. Tað liggur eisini í kortunum, nú kappingarneytin, Lasse Svan, spælir sítt síðsta endaspæl fyri Danmark.

 - Málið er at hjálpa liðnum, og um tað er fimm minuttir ella hálvan tíma hvønn dyst, so skal eg vera klárur, sigur vongurin.

 - Í OL spældi eg meira, enn eg havi gjørt fyrr, og tað var sjálvandi ólukksáliga deiligt, og eg hopi sjálvandi, at tað verður soleiðis hesa ferð eisini, sigur Jóhan á Plógv Hansen.

 Danmark spælir fyrsta dystin í EM-endaspælinum hóskvøldið, tá Montenegro er mótstøðuliðið. 

 
Er kopiera

Tak niður

Nýggjastu sendingar í ÚV
Hósdag 11. august
Morgunlestur hósdagur 11. august 2022
143009
Mikudag 10. august
Morgunlestur mikudagur 10. august 2022
143008
Mikudag 10. august
LEITISSTEIN 09.08.2022 (Bjørt Lind)
143130
Týsdag 9. august
Botnstríðið harðnar
143083
Nýggjastu sendingar í SV
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750