Frítekst tagging:
- Tíðindi, mentan og ítróttur
Niels Áki og Anna Kristina vunnu FM í vektlyfting
21.03.2022 - 17:28
Ítróttur›Fótbóltur
Niels Áki og Anna Kristina vunnu FM í vektlyfting
Niels Áki Mørk og Anna Kristina Norðberg Niclasen vunnu føroyameistaraheitið í olympiskari vektlyfting, sum var í Finsen um vikuskiftið
Niels Áki Mørk og Anna Kristina Norðberg Niclasen vunnu føroyameistaraheitið í olympiskari vektlyfting um vikuskiftið.
Kappast varð í greinunum trekk og stoyt og eftir sinclair-stiganum - lyft í mun til kroppsvekt.
Niels Áki Mørk vann í harðari kapping við Pól Hendrik Andreassen og Leif í Bøgarði.
Evnaríki ungi lyftarin lyfti 93 kilo í trekk og 112 kilo í stoyt; bæði eru føroyskt met í 67kg-flokkinum.
Niels Áki Mørk vann við 282.092 sinclair-stigum, meðan Pól Hendrikur Andreassen fekk annað plássið við 281.304.
Harafturat varð Niels Áki Mørk tikin út til Norðurlendsku meistarakappingina, sum verður seinni í ár.
Anna Kristina sannførandi
Anna Kristina Norðberg Niclasen úr Burn Athletics var sannførandi hjá kvinnunum.
34 ára gamli lyftarin lyftir 74 kilo í trekk og 97 kilo í stoyt. Nummar tvey er Jenny Persson úr Styrkifelagnum Stoyt.
Áhugin fyri lyfting tykist vera vaksandi, serliga hjá kvinnum. Í ár lyftu níggju kvinnur í mun til tríggjar í fjør og tvær í 2020.
Niels Áki Mørk í essinum, tá FM í olympiskari vektlyfting var í Finsen um vikuskiftið
Er kopiera
Tak niður
Nýggjastu sendingar í ÚV
Nýggjastu sendingar í SV
