Lyftu seg til nógv heiðursmerki

Seks silvurmerki og tríggjar bronsur komu til høldar, tá fýra føroyskir vektlyftarar kappaðust um danmarksmeistaraheitini um vikuskiftið. 

Pól Hendrikur Andreasen lyfti í 73-kilo-bólkinum. Í fjør vann hann gull, men hóast hann lyfti meir hesa ferð, eydnaðist ikki at koma heilt upp á sigursskammilin.

Hann lyfti 91 kilo í trekk, 116 kilo í stoyt og 207 kilo samanlagt. Tað gav honum trý silvurheiðursmerkir. 

Niels Áki Mørk í 67-kilo-vektbólkinum endaði eisini tríggjar ferðir á 2. plássi. Hann lyfti 101 kilo í trekk, 105 kilo í stoyt og 206 kilo tilsamans.

Leif á Bøgarði í 81-kilo-bólkinum lyfti 106 kilo í trekk, 130 kilo í stoyt, 236 kilo tilsamans, og tað gav honum tríggjar bronsur.