VIDEO: Tivoliøkið er aftur í miðbýnum

Fólk, ið eru komin eitt sindur til árs, minnast óivað, at tombolabásarnir, fiskibrunnarnir og skjótiteltini vóru partur av miðbýnum í Havn á ólavsøku. 

Seinni árini hevur alt tivoliøkið tó verið savnað á Skálatrøð. 

Hetta hevur gjørt, at barnafamiljur ofta ikki hava verið at sæð í miðbýnum á sama hátt sum fyrr. 

Ólavsøka, tivoli á Skálatrøð

Aftur til gamla leistin

Tað vil Tórshavnar ítróttarráð nú broyta, tí farið verður aftur á gamla leistin við at hava tivoliøkið í sjálvum miðbýnum. 

Harald Joensen

Frítekst tagging: 

Harald Joensen

Tórshavnar Ítróttarráð

Í videobrotinum greiðir Harald Joensen, formaður í Tórshavnar ítróttarráð, frá, at hoppiborgirnar hjá Tórshavnar ítróttarráði vera í garðinum hjá Finsen, sum er gamli Kommunuskúlagarðurin. 

So vera básar og telt við øllum tí, sum hoyrir til eitt tivoliøki, so frá Auto og oman eftir gongugøtuni. 

"Málið er at savna fólk aftur í miðbýnum," sígur Harald Joensen millum annað í samrøðu við Alisu Stephansdóttir Myllhamar Mølvig. 

Alt yvirskotið av tivolinum hjá Tórshavnar ítróttarráði í miðbýunum fer óskert til ítróttin í Tórshavnar kommunu, og øll, sum manna básarnar, skjótiteltini og annað, eru sjálvboðin.