VIDEO: Her kemur Akraberg á Fuglafjørð

VIDEO: Her kemur Akraberg á Fuglafjørð
Stór móttøka var í Fuglafirði, tá nýggi Akraberg kom til býin
Ólavur Frederiksen / Faroephoto
Nýggi Akraberg hevur kostað umleið 375 milliónir krónur
19.08.2022 - 13:46

Í gjár kom nýggi Akraberg á Fuglafjørð, har skipað varð fyri stórari móttøku. 

Akraberg er fyrsti nýbygningur, sum er skrásettur í Fuglafirði síðani 1977

Skipið varð annars handað Framherja 1. juli, og tann 5. juli legði Akraberg frá landi í Brattvåg, nærhendis Ålesund í Noregi, har trolarin er bygdur.  

Men heldur enn at sigla til Føroya, so fór Akraberg beint av skipasmiðjuni á fiskileið og hevur verið ein mánað í Barentshavinum.

 

Fimm fiskiloyvi

Akraberg, sum er 84 metrar langur og 17 metrar breiður, og tekur 1000 tons, hevur fimm fiskiloyvi í norskum sjógvi, í russiskum sjógvi og í verndarøkinum við Svalbard.

Hann kann fiska hýsu, upsa, tosk og annan fisk.

Millum annað eigur trolarin botnfiskakvotu í russiskum sjógvi, sum reiðaríið keypti í 2018.

 

Fyrsti nýbygningur hjá Framherja

Akraberg er verksmiðjutrolari, og er fyrsta skipið, ið Framherji hevur latið bygt.

Nýggi Akraberg kostaði áleið 375 milliónir krónur at byggja. 

Eftir ætlan skal trolarin royna eftir rækjum í apríl og mai, og hinar mánaðirnar verður fiskað eftir botnfiski, eitt nú toski, hýsu og upsa.
 

 
Er kopiera
Nýggjastu sendingar í ÚV
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592