Frítekst tagging:
- Tíðindi, mentan og ítróttur
Niðurflytingarstríðið: støðan hjá NSÍ er hættislig
Niðurflytingarstríðið: støðan hjá NSÍ er hættislig
NSÍ er trý stig aftan fyri B68 og 07 Vestur, og sjálvt um runavíkingar vinna teir síðstu dystirnar, kunnu teir flyta niður. - Støðan er hættislig, segði Oddbjørn Joensen í 3-2
10.10.2022 - 20:48
Øll fylgja við botnstríðnum í Betri-deildini.
Meistaraheitið er avgjørt, og einasta óvissan á ovaru hálvu á stigatalvuni er, hvørt B36 ella EB/Streymur fer avstað við síðsta evropeiska plássinum.
Í hinum endanum sær støðan í NSÍ einki serlig út. Nú tveir dystir eru eftir, hava runavíkingar trý stig upp til 07 Vestur og B68, sum vitja við Løkin næsta vikuskifti.
- Støðan er hættislig, segði Oddbjørn Joensen, fótbóltsviðmerkjari, í 3-2 mánakvøldið.
- Sjálvt um NSÍ vinnur báðar dystirnar, kunnu teir flyta niður.
Botnbrak við Løkin
í 26. umfari bresta NSÍ og B68 saman við Løkin í Runavík, og tað kann gerast ein dystur, sum avger lagnuna hjá runavíkingum.
Vinnur B68, samstundis sum 07 Vestur fær stig í antin útsetta dystinum ímóti EB/Streymi mikukvøldið ella ímóti Skála um vikuskiftið, fer NSÍ niður í 1. deild.
Vinna runavíkingar, koma teir upp undir liðina á toftamonnum, sum hava munandi betri málúrtøku.
- Eingin hevur mær vitandi peikað á NSÍ sum møguligan niðurflytara, og vit, sum hyggja nógv at fótbólti, hava ikki ordiliga trúð upp á, at teir kunnu fara niður, segði Oddbjørn Joensen.
- Men sum sagt, teir kunnu gott vinna báðar dystirnar, sum eru eftir, og framvegis flyta niður.
Nógvur spenningur er um botnstríðið í Betri-deildini við monnum
Er kopiera
Nýggjastu sendingar í ÚV
Nýggjastu sendingar í SV
