- Tíðindi, mentan og ítróttur
VIDEO: "So er klárt at gera mat"
"Køkurin er rullaður inn, og tað er klárt at gera mat".
Tað staðfesta Tróndur Vatnhamar og Kári Sólstein vertir á skemtiligu matsendingini, Foytar greyðir.
Matur úr føroyskum kókibókum
Konseptið er matur úr føroyskum kókibókin - ikki neyðturviliga føroyskur matur. Alt frá suppum til kakum skal roynast, tí tað eru foytar greiðir.
Og tá konseptið er matur úr føroyskum kókibókum, verður lagt út við sokallaðu frumskriftunum úr Matur og matgerð, sum sambært vertunum er kókibókin yvir øllum kókibókum.
Grindafrikadellur og livraragout eru fyrstu uppskriftirnar, sum skulu standa sína roynd. Men uppskrifitir úr øðrum kókibókum skulu eisini roynast.
Foytt í Hattarvík
Og alt gongur ikki bara fyri seg í studio-køkinum.
Í uttandura køkinum í Hattarvík verður rabarbusúpan kókað við frískum, súrligum og lokalum rabarbum.
Eisini bjóðar bóndin, Símun Gullaksen, til ein betri, ræstan bita.
Altíð okkurt omaná
Ein máltið er bara ikki heilt fullkomin uttan omaná.
Meðan Kári roynir at baka eina klassiska formakaku, ætlar Tróndur at baka tí meira modernaðu Barbie-køkuna.
Hvat: Foytar greyðir (fyrsti partur av trimum)
Hvar: Í sjónvarpinum og á kvf.fo
Nær: Hóskvøld kl. 19.25