Álopsessið spælir ikki aftur í ár

Tað var í heimadystinum ímóti SÍ, at Vukasin Nedejlkovic lendi illa eftir smasj.

 - Eg lendi á vinstra beininum, og knæið fór úr lið. Eg endaði á sjúkrahúsinum, og røntgenmyndirnar sóu gott út, greiðir Vukasin Nedejlkovic frá.

Seinni er MR-skanning kortini gjørd, og hon vísir, at krossbandið er slitið.

Um nakrar vikur skal álopsessið hjá ÍF undir skurð í Keypmannahavn, og síðan bíðar hørð uppvenjing. Hann verður tískil ikki aftur á vøllinum hetta kappingarárið.

 - Tíverri er hetta kappingarárið liðugt fyri mítt viðkomandi. Fyrst hugsaði eg, at eg kanska kundi røkka eini tveimum ella trimum dystum, men eftir MR-skanningina var greitt, at eg ikki fái spælt aftur í ár. Men eg verði klárur til næsta kappingarár, sigur Vukasin Nedejlkovic.

Hann ætlar sær kortini at vera við í hópinum til dystirnar.

 - Um ikki annað kann eg heppa og kanska koma við góðum ráðum í steðgum og ímillum settini, sigur Vukasin Nedejlkovic.

Ein annar týðandi spælari hjá ÍF, Bjarni Larsen, harmast um støðuna, og ivast ikki í, at útlitini hjá ÍF hetta kappingarárið eru versnaði munandi.

 - Hann er ein tryggur móttøkuspælari og stuðlar øðrum spælarum væl, og at missa ein lyklaleikara í eini tílíkari støðu ger tað øgiliga tungt, sigur Bjarni Larsen.