Rørdur Nikkel fór avstað við gullinum

Bert ein føroyingur rakk finalunum í einstaklingakappingini í bogaskjóting í dag.

Tá tað er sagt, steðgaði eingin Nikkel Petersen, sum vann 135-130 á Rhys Moore av Isle of Man.

Beinrakni skjúttin var rørdur og hevði ilt við at seta orð á eftir oyggjaleikagulli.

 - Hetta hevur ligið á herðunum nú í eina tíð, og nú skuldi tað verða, segði Nikkel Petersen.

 - Nervarnir vóru í topp, øgilig hjartapumpan og nógvur vindur.

Hetta var fjórða gullið hjá bogaskjúttunum í hesum Oyggjaleikunum.