Elisabeth tók oyggjaleikametið hjá Signhild

Føroysku svimjararnir gjørdu aftur um seg í gjárkvøldið tá 2. finaludagur varð svomin. 

Mánakvøldið svumu tey seg til seks heiðursmerki. Og man kann siga, at tey halda støðið.Í gjár vunnu vunnu samanlagt seks heiðursmerki afturat, so at tey í alt hava 12 heiðursmerki frá svimjing. 
 

Nýtt føroyskt oyggjaleikamet

Elisabeth Erlendsdóttir tók í gjárkvøldið oyggjaleikametið hjá føroysku Sighild Johannesen. Signhild setti ikki minni enn tvær ferðir oyggjaleikame í 100 m rygg á Gibraltar í 2019.

Tað gjørdi hon við tíðini 1:01:58 og 1:01:90. 
Tíðin hjá Elisabeth var í gjár 1:01:07, og er nú nýtt oyggjaleikamet í 100 m ryggsvimjing. 

Vit stroyma triðja finaludagin í kvøld 

Føroysku svimjararnir fara aftur í finaluhylin kl 18.00 í kvøld. Vit luttaka ikki í øllum finalunum, men vit senda beinleiðis kl 18.00 á heimasíðuni kvf.fo.