1984: Tá Jørgen Niclasen bleiv "heimskendur" av at syngja Diggi-Loo

Tónleikur og tónleikaframførslur fyltu nógv beinanvegin, tá Sjónvarp Føroya byrjaði at senda.

Fleiri sjónbandaløg vórðu gjørd í Vørðsluni, har stovnurin helt til í Havn.

Sjónvarpið tók eisini upp konsertir. Eitt nú sangkappingina Ársins Songlerkur, sum varð hildin í Ítróttarhøllini í Runavík hetta árið.

Jørgen Niclasen sang Diggi-Loo Diggi-Ley

Talan var um eina karaoke-kapping, har luttakararnir skuldu leggja rødd til eitt kent instrumentalt lag.

Nøkur løg vóru at velja í. Tey flestu valdu at syngja Guardian Angel.
Men tveir sørvingar - annar Jørgen Niclasen - valdu at syngja Diggi-Loo Diggi-Ley, sum Herreys høvdu framført til Eurovision-sangkappingina sama árið.

Sørvingar høvdu granskað dansistigini hjá Herreys; men teir høvdu eisini lagt nøkur stig afturat.

Sørvingarnir blivu nummar tvey; men kortini blivu teir "heimskendir", tí Sjónvarp Føroya sendi sangkappingina.

Seinni partur av 1984 verður sendur hóskvøldið eftir Dag og Viku.

Fyrri partur sæst her: 1984 (1:2)