Løgmálaráðið hevur ikki gjørt sítt arbeiði

Løgmálaráðið hevur ikki gjørt sítt arbeiði
Ein minniluti í nývalda býráðnum í Sunda kommunu fekk ikki viðhald í eini kæru til Kommunala eftirlitið
 
30.12.2024 - 18:40

Ein minniluti í nývalda býráðnum í Sunda kommunu fekk ikki viðhald í eini kæru til Kommunala eftirlitið um, at skipanarfundurin hjá nýggja býráðnum ikki varð hildin eftir røttum forskriftum.

Rógvi Nybo, býráðslimur í Sunda kommunu og tveir aðrir býráðslimir, Jógvan Kruse og Trygvi Kallsoy, kærdu til Kommunala eftirlitið um fyrsta skipanarfundin hjá nývalda býráðnum í Sunda kommunu.

Fundurin, sum varð hildin 14. november - tveir dagar eftir kommunuvalið - var sambært kærarunum ikki almennur, tí hann var ikki lýstur, og harumframt var hann innkallaður við alt ov stuttari freist.

Tollaksmessudag, 23. desember, svaraði Kommunala Eftirlitið kæruni. Kommunala Eftirlitið staðfestir, at fundurin var almennur, tí einki stendur viðmerkt í gerðabókunum um, at fundurin var fyri afturlætnum hurðum. Kommunala Eftirlitið sigur eisini, at tað sambært viðmerkingunum til grein 13, stk. 1 í kommunustýrislógini er hóskiligt at innkalla til fundir við eini ikki ov stuttari tíðarfreist, men at av tí at hetta bert er ein vegleiðandi áseting, hevur Kommunala Eftirlitið ikki aðrar viðmerkingar til, at fundurin varð innkallaður við stuttari freist.

Hoyr innslagið í útvarpstíðindunum

1717229

 

Er kopiera
Nýggjastu sendingar í ÚV
Sunnudag 22. november
Bolero 22. november 2026
216781
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592