Flogbóltssambandið: Væl nøgd við landsliðsárið

Bestu føroysku flogbóltsmenninir vunnu ein dyst av seks í silvurliguni í summar - á Íslandi á heimavølli - meðan kvinnurnar taptu sínar fimm dystir.

Silvurligan er framvegis lutfalsliga nýggj fyri føroysku landsliðini, sum hava tikið seg fram, sigur Flogbóltssambandið, sum fer at halda fram at menna sítt landsliðsvirksemi.

 - Vit síggja, hvørjum stigi vit eru á, vit síggja, hvørjum stigi hini eru á, segði Guðrun L. Joensen, næstforkvinna í Flogbóltssamband Føroya.

 - Vit vita, hvussu vit skulu venja og skipa alt landskappingarárið í samband við landsliðini og landsdystirnar. 

Hvussu eru vónirnar frameftir?

 - Tær eru góðar. Okkara yngru lið klára seg væl og eru góð, og við flogbóltsskúlanum síggja vit eisini ein vaksandi áhuga. Hetta er sjálvandi byrjanin, Silvurligan er framvegis nýggj fyri okkum, so eg hugsi, at vit kunnu byggja hetta meir og meir upp, og so hava vit eina bjarta framtíð, segði Guðrun L. Joensen.