Andstøðan er klár at spara

Boðini vóru greið á ólavsøku. Nú skulu breiðar semjur finnast um stóru og truplu málini.

Og búskaparstøðan er eitt av málinum, sum sambært løgmanni, krevur breiðar semjur.

Løgmaður hevur hildið ein part av lyftinum, tí hann hevur havt allar flokkar á tingi inni til samrøður um stóru málini. Eisini um búskapin, sum sambært Búskaparráðnum ikki hevur tað gott.

Og andstøðurflokkarnir, teir eru sinnaðir at vera við.

Búskaparráðið mælir til, at vit skulu vera longri á arbeiðsmarknaðinum, fyri at búskapurin skal klára seg í framtíðini. Altso, pensjónsaldurin skal hækka. Og her er kanska møguleiki at finna eina semju.

So er tað búskaparliga regluverkið, sum skal seta mark fyri, hvussu nógvir pengar kunnu brúkast - og eisini stóra hallið, sum vit í løtuni hava.