Ivast í koppsetingum

Færri og færri børn í Føroyum verða koppsett og heilsumyndugleikarnir rópa varskó.

Ein av teimum, sum er orsøkin til fallandi tølini, er Sylvia Thomsen úr Klaksvík. Hon sigur, at hon hevur álit á vísindini, og at koppsetingar sum útgangsstøði eru góðar. Men har eru fleiri "men".

Hon heldur ikki, at ætlanin, nær børn skulu koppsetast, er nóg góð, og hon ivast eisini stórliga í HPV-koppsetingini - í hesum føri hevur hon latið avgerðina upp til børnini sjálv.

Hon heldur eisini, at um avleiðingin er, at umfarssóttir taka seg upp, so ber til at koppseta seg seinni.