Við Nóa eftir havhestaungum

"Hetta er besta tíðin á árinum", sigur 10 ára gamli Nóa úr Funningsfirði, sum dámar væl at fara eftir havhestum við bátinum Snipp.

Hann stýrir mangan bátinum út eftir firðinum. Tá ið teir eru komnir út í Djúpini, so er hann til reiðar við glúpinum og er kvikur og fær fleiri havhestaungar, sum hann kippir og roytir.

Tann eina dagin fingu teir 100 havhestaungar, og einsamallur fekk Nóa 17 havhestaungar.  Hann hevur úr at gera í hesum døgum, og hevur havt tveir dagar frí úr skúlanum.

Nóa bjóðaði Barnaútvarpinum við eftir havhestaungum í fagrasta veðri fríggjadagin 6.septembur.

Í Barnaútvarpinum mánadagin hoyra vit Nóa greiða frá. Sendingin er longu at hoyra á VIT.