Lønartræta um jólavaktir

Jólaaftan skulu Sylvia Thomsen og nógvir aðrir sjúkrarøktarfrøðingar til arbeiðis og tá tað kann vera sera ringt at fara heimanifrá og á vakt. Enn er eisini ósemja millum Felagið Føroyskir Sjúkrarøktarfrøðingar og Fíggjarmálaráðið um hvussu sáttmálin skal tulkast. Tað merkir, at hjá teimum, sum arbeiða halgidagarnar nú um jólini, er tað ógreitt hvussu arbeiddu tímarnir verða førdir. Tað er serliga galdandi hjá teimum sum arbeiða niðursetta tíð og tað gera 80% av limunum hjá Felagnum Føroyskir Sjúkrarøktarfrøðingar. Óluva í Gong, forkvinna heldur ikki, at fíggjarmálaráðið fylgir ásetta sáttmálanum.