Danskur hernaðargreinari: USA og Bretland verja Føroyar

Vit eru næstan vorðin vón við hesa nýggju sjónina, at amerikanskir kavbátar og herskip við byggju í Føroyum.

Og tað hevur eina orsøk, sigur Johannes Riber, hernaðargreinari hjá danska verjuakademinum.

Fregnartænastan hjá donsku verjuni, stytt FE, hevur júst gjørt eina nýggja váðameting fyri støðuna í í støðuna í Evropa.

Har siga tey, at innan ein hálvt ár, er Russland ført fyri at hernaðarligar atgerðir í grannalondum.

Eftir tvey ár kann hugsast, at Russland kann leypa á eitt NATO land við Eystrasalt og um fimm ár er møguleiki fyri einum veruligum kríggi á evropiska fastlandinum.

Men samstundis sigur sama frágreiðing, at Russar ikki fara at tora at leypa á Føroyar.

Frágreiðingin sigur nevnliga, at Føroyar hava so mikið stóran týdning í verjuni av USA, at hóast USA møguliga ikki longur fer at hava áhuga í at verja Evropa, so fara teir at verja Føroyar, fyri sína egnu skuld.

Tó skulu vit ikki vænta heilt at sleppa undan, um ein krígsstøða tekur seg upp.

Í veruleikanum er trygdarstøðan hjá Føroyum framvegis tann sama, sum hon var undir seinna veraldarbardaga. Bretar og amerikanarar hava stóran áhuga í at verja okkum.