Skúla FM í íverksetan 2025: Hørð kapping

Tað var hørð kapping, tá næmingar í framhaldsdeildum í landinum kappaðust um besta íverksetarahugskotið fríggjadagin. 

Endadysturin í Skúla FM í íverksetan 2025 var í ítróttarhøllini á Giljanesi, har skúlanæmingarnir og íverksetararnir hittust.

Fjølbroytt hugskot
Til samans vóru níggju bólkar við í endabrestinum. Tað vóru næmingar úr Skúlanum við Løgmannabreyt, Skúlanum við Løkin og Tofta Skúla, Skúlanum á Giljanesi, Skúlatrøð, Eysturskúlanum og NámX, sum tóku lut í kappingini.

Prýðislutir úr koparleidningnum, heimasíður, ein tíðindaportalur, eitt filmsfelag, húðrøkt, borðspæl og helsir vóru hugskotini hjá einstøku bólkunum.

Borðspæl vann kappingina

Luttakarar merktu spenning í luftini í ítróttarhøllini á Giljanesi, tá vinnarar skuldu kjósast. Og dómaranevndin kundi staðfesta, at støðið var høgt og kappingin hørð.

Vinnarin av kappingini gjørdist bólkurin úr Eysturskúlanum, ið hevur gjørt borðspælið við heitinum Bygd til bý, sum endaði á fyrsta plássi. Talan er um eitt borðspæl, ið snýr seg um føroyska mentan og søgu.

Bólkurin AURUM við næmingum í Skúlanum við Løkin og Tofta Skúla, sum hava evnað helsir úr føroyskari ull, gjørdist nummar tvey í kappingini.

Á triðja plássi endaði bólkurin frá NámX við heitinum ECOOP við prýðislutum úr koparleidningum.