Barnaverkætlanin livir

Barnaverkætlanin fer ongan veg, hóast bæði aðalstjóri og landsstýrismaður eru burtur 1. desember.

Tað lovar sitandi landsstýrismaður, Djóni Nolsøe Joensen.

Barnalógin er á veg, og fleiri tiltøk eru longu sett í verk. Millum annað eru Familjudepilin eitt úrslit av verkætlanini eins og barnatelefonin er opin fleiri tímar enn áðrenn, tí fleiri tænastur eru lagdar saman.

Endamálið við lógini er, at børn ikki skulu detta millum skipanir hjá landinum og kommununum.