Spælið hevur alt at siga

Ítróttatímin hjá næmingum í fimta flokki í Eysturskúlanum í Havn var í dag uttandura, nú kavin er sloppin at liggja í nakrar dagar.

Eisini næmingar í Skúlanum á Fløtum brúktu ein part av skúladegnum í kavanum.

Tað er nevniliga umráðandi at geva pláss fyri spæli, sigur Helgi Winther Olsen, sum hevur skrivað ph.d.-ritgerð um rørslu í skúlum.

- Gleðin og spælið hevur alt at siga, tá vit røra okkum, sigur hann.