Andy Schmid: Føroyar spældu nærum lýtaleyst sjey ímóti seks

- Fyrst og fremst má eg rósa føroysku áskoðarunum, sum vóru ótrúligir. Føroyar høvdu heimavøll, segði venjarin hjá Sveis, Andy Schmid, eftir 28-28 javnleikin millum liðini í Unity Arena.

 - Føroyar avgreiddi eisini sjey ímóti seks-álopsspælið sera væl, segði hann.

Tað sá einki út hjá Sveis miðskeiðis í seinna hálvleiki, tá Føroyar - serliga takka verið einari frálíkari byrjan eftir steðgin - vóru frammanfyri við heili seks málum. Menninir hjá Andy Schmid reistu seg kortini aftur, og vóru teir eitt sindur hepnari, kundu teir fari avstað við øllum trimum stigunum.

 - Eg eri sera errin av mínum liðið, tí vit megnaðu at koma afturíaftur, og tað hevði stóran týdning, segði venjarin, sum kortini iðraði seg um útjavnandi málið hjá Føroyum beint fyri dystarlok.

Eftir tepra sigurin hjá Slovenia á Montenegro og javnleikin millum Føroyar og Sveis heldur Andy Schmid, at alt framvegis kann henda.