Fegin Emil: Slapp til Oslo at stuðla hondbóltslandsliðnum

Emil Bjarnaskor úr Klaksvík er fegin. 

Hóast ein tilburður fyri nøkrum árum síðani gjørdi, at Emil endaði í koyristóli, og máldepilin eisini bleiv raktur, so er Emil sloppin við til Oslo at stuðla hondbóltsmonnunum. 

Emil, ið samskiftir gjøgnum antin eina teldu ella sín fylgjara, Henny Vest, sigur, at hann er fyrstu og fremst komin fyri at síggja hondbóltin. 

Hann dylur tú ikki fyri, at hondbóltsballið í Oslo eisini er gott. 

"So skjótt, ið Emil hoyrdi, at Norrøna fór til Oslo, so skrivaði hann til mín, at hann kundi hugsað sær at farið við. Eg setti meg beinavegin í samband við Svein í Heiðunum á Smyril Line, og tað bar væl til," greiðir Henny Vest frá.