Vedelsbøl vloggurin: Ein dagur í lívinum hjá Ísaki til EM-endaspælið

"Eg filmi reyvina hjá Róa," skemtar Ísak Vedelsbøl, tá hann roynir seg sum videobloggara - ella vloggara, sum tað eitur á altjóða máli. 

Meðan føroysku fjeppararnir halda sær at gleimi í Oslo, meðan teir fylgja og stuðla føroyska hondbóltslandsliðnum við monnum til EM-endaspælið, so er tilveran hjá føroysku hondbóltsmonnunum, sum alt snýr seg um, rættiliga øðrvísi. 

Teir hava ein skipaðan gerandis dag, har borðspøl og Premiere League fótbóltur eru kærkomin frávik. 

Ísak Vedelsbøl fekk eitt lítið upptøkutól og filmaði, hvussu hansara leygardagur sá út - altso dagurin fyri søguliga stórsigurin móti Montenegro.