Tilveran er fylt við holum

Fimm ferðandi í bjartgulum draktum hittast á einum báti og noyðast at samstarva um at bøta eitt hol, sum er komið í.

Soleiðis byrjar nýggi leikurin Holið.

Men holið kann hava meira enn ein týdning.

Umframt at vera eitt veruligt hol, kann tað eisini vera eitt tekin uppá ein trupulleika, eitt stríð ella ein snávingarstein á leiðini.

Og við tí vilja leikarar vísa á, hvussu vit menniskju, uttan mun til hvørji vit eru og hvaðani vit koma, noyðast at samstarva fyri at koma forbí teir snávingarsteinar, sum stinga seg upp á vegnum.