Matvørur dýrka enn meira

Seinastu tíðina hava vit hoyrt, at handilsketurnar í Danmark eru farnar í prískríggj.

Søgur ganga um, at prísurin á fleiri vørum er lækkaður við upp til 50 prosentum.

Men her í Føroyum er einki prískriggj at hóma. 

Heldur er gongdin øvugt, tí her heima dýrka vørurnar enn meira.

Fleiri føroyingar hava ilt við at ímynda sær hægri prísir. 

- Nú helt eg, at tað var toppað, segði Súni Hansen, tá vit hittu hann til handils í dag.

Connie Reinholdt hevur júst átt fjórða barnið. Nógvir magar eru at metta, og sum er, hugsar hon eisini um prísirnar, tá hon er til handils.

Og hon er ikki í iva um, at tað fer at vera torførari at fáa tað heila til at hanga saman, tá matvørurnar dýrka enn meira.

Men hóast fleiri stríðast við at fáa endarnar at røkka saman, liggur tað ikki í kortunum, at heilsølur fara at binda seg til at tryggja ein støðugan prís komandi tíðina.