Sólorka minkar útlátið hjá Reyða Krossi

Í hálvt ár hevur bygningurin hjá Reyða Krossi á Stiðjagøtu Havn fingið orku við at hava sólfatur, sólpanel, á tekjuni. 

Hetta hevur minkað um útlátið við góðum trimum tonsum, sjálvt í teimum myrkastu mánaðunum.

En munagóð loysn

Tað var í november í fjør, at Reyði Krossur tók stigið at seta sólfatur á tekjuna. 

Og av tí, at tað hevur rigga so mikið væl sjálvt í vetrarmánaðunum, er Sigrið Zachariasen, dagligur leiðari í Reyða Krossi, spent at vita, hvat vár- og summarmánaðirnir hava at bjóða.

Tørvurin er sjónligur

Sum hjálparfelagsskapur veitir Reyði Krossur stuðul og hjálp úti í heimi. 

Í nógvum førum eru veðurlagsbroytingar, sum hava við sær vatnflóðir og oyðilegging.

Og tá tørvurin at minka um útlátið gerst so mikið sjónligur í arbeiðnum, er tað ógviliga natúrligt at hugsa um grøna orku, sigur Sigrið Zachariasen.

Ein dýr íløga

Tað er ikki ein lítil tekja, sum nú er dekkað við sólaftur.

Og hetta speglast í prísinum, sum fer upp um nakrar 100.000 krónur.

Hóast tað sambært Sigrið Zachariasen er ov tíðliga at siga, hvussu nógv verður spart, er hetta ein fíggjarliga munagóð loysn.