Íslendingar vilja hava vørur frá MBM

Tvær stórar íslendskar fyritøkur er áhugaðar í at samstarva við MBM - Kjörís, sum framleiður mjólkavørur, og handilsketan Krónan.

Føroyski landbúnaðurin hevur ikki ES-góðkenning, og tað krevst fyri at sleppa á íslendska marknaðin sambært Hoyvíkssáttmálanum, fríhandilsavtaluna millum Ísland og Føroyar.

Í gjár hevði MBM fund við nýggja landsstýrismannin í vinnumálum, Jacob Vestergaard, har ætlanir vóru gjørdar, um at royna at sleppa á íslendska marknaðin. Eftir fundin er stjórin á MBM, Tony Weyhe, bjartskygdur um framtíðarútlitini viðvíkjandi Íslandi.