Jannie og Alda: Møðgur vunnu við Píli

Sigursvanda 6-mannafarið Jarnbardur er ikki mannað í summar.

Tað hevur kortini ikki steðga royndu róðurskvinnuni Jannie Dam Jacobsen. Hon stýrir nú 5-mannafarinum Píli, har dótturin Alda Dam Jacobsen telist millum tær, sum sita við árarnar. 

Fyrst var ætlanin at royna seg til Ódnartøkini, men tey hepnaðust somikið væl, at tær meldaðu seg til norðoyastevnuróðurin. 

Og møðgurnar fingu eina dreymabyrjan upp á summarið saman við hinum á bláa bátinum hjá Knørri. Tær vunnu frammanfyri Drekan, og nú tosar eingin um atgevast aftur.

Sí innslagið um møðgurnar í Píli omanfyri.