Isabella Rossellini: Úr Hollywood til Føroya at merkja broddin í ullini

Vanliga er langt úr Hollywood til Selatrað 

Í hesum døgum er heimskenda sjónleikarinnan Isabella Rossilini á vitjan í Føroyum.

Endamálið er at seta seg inn í føroyska ull  og seyðahald. 

Hollywood-kongsætt

Isabella Rosselllini er av Hollywood kongsætt, kanst tú siga. 

Mamman var Ingrid Bergmann og pápin Roberto Rossollii.

Sjálv rekur Isabella Rossellini ein lítlan bóndagarð, Mama Farm, á Long Island í New York, har dentur verður lagdur á at varðveita nátúrliga margfeldi, eitt nú hjá seyði. 

Isabella Rossellini og hennara bindiklubbur er komin til Føroya gjøgnum Sissal Kristiansen og verkætlanina The Wool Islands. 

Eitt kvøld við Rossellini

Í annaðkvøld, mikukvøldið, ber til at uppliva eitt kvøld saman við Isabellu Rossellini í Løkshøll í Runavík. 

Men um nakar heldur, at Isabella Rossellini hevur lagt yrkisleiðina á hillina, nú hon er vorðin 73 ár, so mugu tey halda umaftur. 

Umframt tiltakið við Isabellu Rossellini í annaðkvøld, so ber eisini til at síggja kenda film hennara, "Blue Velvet", í Løkshøll í kvøld. Tað var fyrrverandi maður Isabellu,David Lynch, sáli, ið leikstjórnaði filmin.