Fakfeløgini duga ikki at hava eftirlønir

Í seinastu viku fekk tað avleiðingar fyri stjóran í LÍV, at eftirlønaruppsparingar ikki hava kastað nóg nógv av sær.

Men Kim Hansen hevur í nógv ár funnist at, hvussu vit skipa okkara eftirlønaruppsparingar í Føroyum.

- Tað er ikki nýtt yvirhøvur í Føroyum, at avkastið er ov lítið, og tá fakfelagsrørslan hevur sitið á hesum pengunum, so er einki týðir alt á, at tey duga tað ikki. Og tá tú so hevur ein politiskan yvirklassa, sum ikki hevur dirvi til at taka hetta valdið aftur frá fakfeløgunum, so sita vit, sum vit gera í dag, sigur Kim Hansen.

Hann heldur, at vit skulu taka avleiðingarnar av, at vit ikki hava dugað at reka eftirlønaruppsparingar.

- Tá vit í Føroyum prógva tað, at vit ikki duga hetta, so er tað nærliggjandi at hugsa, veitst tú hvat, hetta bjóða vit í út millum 4, 5 teir bestu pensjónskassarnar í Danmark og Norra, tí tað duga tey nógv betur enn vit. Vit innflyta bilar, og vit gera ikki gummuskógvar í Føroyum ella nakað annað. Vit kunnu tað sama fáa onnur at servisera okkum á pensjónsøkinum.

Víðari sigur Kim Hansen, at tað, sum veruliga vantar, er verulig kapping á marknaðinum.

- Tað er ein samfelagsuppgáva at gera hetta. Arbeiðararørslan hevur ikki megnað ta uppgávuna. So tekna vit samlagstryggingar fyri allar borgarar. Vil onkur hava eyka tryggingar, so keypa tey tað frá einum pensjónskassa, og so letur hann tær heilsuupplýsingar, sum skulu til.

- Men tað týdningarmesta er at fáa kapping í hvar vit leggja okkara pengar. Hvar lænir tú pengar til hús? Har, sum tú fært ta lægstu rentuna. Hvar leggur tú tína pensjón? Har, sum tú fært ta hægstu rentuna.

Sí innslag úr Degi og viku.