Clickhaze er aftur á palli eftir 23 ár í dvala

Tey vóru við til at leggja lunnar undir G! Festivalin.

Vóru grasrøtur í føroyska tónlistaheiminum.

Og eftir 23 ár í dvala stendur Clickhaze nú aftur á palli saman. Kanska fyri síðstu ferð.

Kennist rætt nú

Clickhaze spælir leygarkvøldið á sandinum á ársins G! Festivali.

Hetta er ein stór løta, spyrt tú tónleikafrøðingin Knút Háberg Eysturstein, sum hevur fylgt bólkinum frá byrjan. 

Clickhaze

Bólkurin spratt upp úr kreativa tónleikaumhvørvinum síðst í 1990'unum, og um ártúsundskiftið var Clickhaze við til at mynda føroyska tónleikalist.

Fleiri í umhvørvinum setti sær tá fyri at savna føroyskan og altjóða tónleik, og í 2002 bleiv hetta til G! Festivalin.

Loyndarfult og opið

Meðan festivalurin hevur trivist í øllum góðum øll árini, hevur Clickhaze ikki staðið á sandinum saman síðani 2003.

Men hóast tað er langt síðani síðst, kennist tað sum tann heilt rætta løtan nú, siga tónleikararnir. 

Um hetta fer at føra til nakað meira, er tó enn óvist.

- Vit hava ikki ætlanir um nakað meira, men vit taka tað sum tað kemur og halda tað loyndarfult og opið, sigur Eivør Pálsdóttir, sangari í bólkinum.