Eingin stuðul til viðgerðarferð fyri psoriasis

Besta viðgerðin fyri Fríðu Æðustein Poulsen, sum hevur húðsjúkuna psoriasis, er ein viðgerðartúrur til Kroatia.

Landsstýrið ætlar nú at strika stuðulin til viðgerðarferðirnar, sum Psoriasisfelagið og Giktafelagið skipa fyri. Feløgini fáa hálva millión krónur í part fyri at skipa fyri viðgerðarferðunum.

Forkvinnan í Psoriasisfelagnum harmast um, at stuðulin nú dettur burtur.

Psoriasisfelagið og Giktafelagið fáa okkurt um 50 umsóknir um árið til ferðina til Kroatia.

Av teimum sleppa til samans 20 sjúklingar - okkurt um 10 við psoriasis og 10 við gikt - at fáa viðgerð í Kroatia, sum ein lækni mælir til.

Sí meira í innslagi í Degi og viku.