Øll pensjónsskipanin eigur at fara til hoyringar

Tað var eftir ein fund í politiska fylgibólkinum týsdagin, at Jørgen Niclasen avgjørdi at senda uppskotið um uppsparingarlógina til hoyringar, áðrenn tað fer í løgtingið.

Og uppskotið fer í tingið, hóast andstøðan er í móti bara at leggja hetta eina uppskotið fyri tingið og ikki allar eftirlønarlógirnar í einum. Endamálið við lógini
er at økja samansparingina til eftirløn, so tørvur ikki verður á fullari fólkapensjón.

Sambært uppskotinum skulu allir føroyingar á arbeiðsmarknaðinum spara upp í 15 prosent av lønini saman til egna eftirløn. Samansparingin verður sett í verk í stigum. Byrjað verður við einum prosenti í 2014, og síðani hækkar inngjaldið eitt prosentstig um árið, so tað verður 15 prosent í 2028.

Hoyr samrøðu við Rigmor Dam, sum sjálv onnur umboðar Javnaðarflokkin í fylgibólkinum: