Annika Olsen skilir ikki atfinningar um Hamragarð

Kommunurnar í syðru helvt av Suðuroynni halda seg vera fyri órætti av Almannaráðnum og nokta at rinda lánið fyri ellis- og røktarheimið Hamragarð frá fyrsta september at rokna.

Orsøkin er, at 1. september setir Annika Olsen, landsstýriskvinna í almannamálum, eina kunngerð í verk, sum ger, at borgarar í norðaru kommunum, sum ikki eiga í, ella hava goldið fyri Hamragarð, fáa somu rættindi til búpláss í heiminum í Vági, sum borgararnir sunnanfyri.

Við nýggju kunngerðini er eingin ivi um, hvør skal rinda fyri hvat, sigur Annika Olsen.