Eysturkommuna: Eldraøkið eigur at verða lagt út nú

Tað er harmiligt, at kommunurnar ikki fáa eldraøkið tann 1. januar, sum annars var ætlanin.

Tað sigur borgarstjórin í Eysturkommunu, Jóhan Christiansen, nú landsstýriskvinnan í almannamálum hevur boðað frá, at eldraøkið ikki verður lagt til kommunurnar 1. januar.

Borgarstjórin í Eysturkommunu heldur, at landsstýrið ger trupulleikan størri enn hann er. Og hann heldur tað vera skeivt at skipa landið i í seks øki, áðrenn tað verður lagt til kommunurnar. Tí hetta eiga kommunurnar sjálvar at loysa.