Leggja vísindaligu prógvini fram í dag

Ídag hittast strandalondini í London at viðgera sildafiskiskapin næsta ár.

Jacob Vestergaard vónar, at Føroyar hesa ferð sleppa at leggja fram vísindaligu prógvini fyri, at Føroyar eiga rætt til størri kvotu, enn hini londini siga.

Fundurin í London í dag og í morgin er tann fyrsti hjá nýggja føroyska samráðingarleiðaranum og nýggja samráðingartoyminum, sum landsstýrismaðurin í fiskivinnumálum setti herfyri. Herluf Sigvaldsson er samráðingarleiðari.

Fundur um sildina verður aftur 14. til 18.oktober, og tá liggur tilráðingin hjá ICES, altjóða havgranskingarstovninum, fyri 2014 á borðinum. Leygardagin og sunnudagin verður fundur í Reykjavík um makrel.